Mbehi okashoma oyetonzire ebicweka by’omu Munara g’Omurinzi g’omuri ogu mwaka? Mbwenuho, reba yaba ori kubasa kugarukamu ebi bibuzo:

Ni bata oku omuri Yakobo 5:11 hari kutuhamiza ku Yehova ‘ayine embabazi nyingi’ n’esaasi?

Nitumanya ku oburyo bumwe obu Yehova ari kutwerekamu embabazi ari okutusaasira enshobe zitu. Nambwenu omuri Yakobo 5:11 nihatugambira ku Yehova ayetegwire n’okutukwasa, ahabw’okuba atwinire esaasi. Tushemerire kumutoreza.—w21.01, p. 21.

Ahabw’enki Yehova yatireho obwebembezi?

Yehova akataho obwebembezi ahabw’okuba nakunda eka yeye. Obwebembezi nibutuma eka ya Yehova yabamu obusinge n’obutebekana. Abagizire eka bona ku bari kukuratiza obwo buhabuzi, nikituma bamanya oshemerire kukora ensharamu y’aha muheru n’oshemerire kukuratira akamanya ku byatebwa omu nkora.—w21.02, p. 3.

Ahabw’enki Abakristo bashemerire kwegendesereza baba bari kukoresa embuga z’okoherezaho obutumwa?

Omukristo yasharamu kukoresa ezo mbuga, naba ashemerire kwetonda omu kutorana abu ari kwekwatanisa na bo. Eco nikikizaho kumugumira yaba ari omu mitwe y’embuga ezirimu abantu bingi. (1 Tim 5:13) Nambwenu hariho akabi kingi omu kujanjaza amakuru agu tutemerireho, ninga shi kutembera ahari benetata ngu twerondere amagoba g’esente.—w21.03, p. 31.

Ni ni ziha nshonga ezatumire Yehova yayikirize ngu Omwana weye owu ari kukunda abonabone kandi afe?

Enshonga y’okubanza: Yesu akahanikwa aha kiti ngu acungure Abayudaya omuceno. (Gal 3:10, 13) Eya kabiri: Yehova akaba ari kumanyiza Yesu ngu ayije kuba Omutambi witu mukuru. Eya kashatu: Ahakuba Yesu yabire omwesigwa kuhika aha kufa, kikereka ku abantu bari kubasa kugumizamu kuba abesigwa n’obu bakubugana ebigezo. (Yob 1:9-11)—w21.04, p. 16-17.

Ni enki eki ori kubasa kukora yaba kigumire kutunga abantu omu murimo g’okuburira?

Nobasa kugezaho kubaburira omu bwire obu bari kuba bari omu ka. Nambwenu nobasa kugezaho kuburira omu myanya etari kushushana. Gezaho kukoresa oburyo obutari kushushana bw’okuburira, nk’okuhandikira amabaruha abu otari kushanga omu ka.—w21.05, p. 15-16.

Ni enki eki entumwa Pawulo yabire ari kumanyisa obu yagambire ngu: ‘Nyowe ahabw’ebiragiro nkafa aha biragiro’? (Gal 2:19)

Ebiragiro bya Musa bikereka ge ku abantu abatahikirire batari kubasa kubyorobera omu bwijwire, kandi bikahisya Abisirayeli ahari Kristo. (Gal 3:19, 24) Pawulo akihwaho orubanja ahakuba akikiriza ekitambo ca Yesu ahabw’ebiragiro. Akaba atacategekwa n’ebiragiro, shana Ruhanga kusha.—w21.06, p. 31.

Ni kiha cokureberaho eki Yehova yatuterireho c’okwehangana?

Yehova akehanganira okujumwa kw’izina ryeye, abantu abingi abari kuhakanisa obutegeki bweye, okugoma kwa bamwe omu bana beye, ebishuba bya Sitane, okubonabona kw’abahereza beye, okuferwa banywani beye, okutwarizibwa kubi kw’abantu, n’okushishikara kw’ebihangirwe byeye.—w21.07, p. 9-12.

Ni kiha cokureberaho c’okwehangana eki Yosefu yatuterireho?

Akehanganira benishe abamutwarize kubi. Eco kikatuma yatwarwa omuri Misiri, yabehererwa, kandi yamara emyaka myingi asibirwe.—w21.08, p. 12.

Ni kuha kutengesibwa okwahanwirwe omuri Hagai 2:6-9, 20-22?

Amahanga niganga kwikiriza obutumwa bw’Obukama obu turi kuburira, konka abantu bingi bakija omu mazima. Juba aha, amahanga nigija kutengesibwa aha murundi gwa nyuma, gari kucwecerezibwa.—w21.09, p. 15-19.

Ahabw’enki tutashemerire kuruha omu murimo g’okuburira?

Yehova nareba amani agu turi kutamu omu murimo g’okuburira, kandi nigumushemeza. Twagumizamu kwehangana, nitwija kutunga amagara agatahwaho.—w21.10, p. 25-26.

Ni bata oku omu Baleevi 19, hari kutukwasa kukuratiza omusinge oguri kugira ngu: ‘Mube abari kwera omu micwe yanyu yona’? (1 Pet 1:15)

Oku kiri kurebeka, ebyo ni ebigambo ebyarugire omu Baleevi 19:2. Ekicweka ca 19 nikitwereka ebyokureberaho byingi ebiri kutukwasa kukuratiza obuhabuzi bw’omuri 1 Petero 1:15, omu mbera zitu za burijo.—w21.12, p. 3-4.