Ewe Paipel a masou ren ewe tipachem mi múrinné seni meinisin fán iten manaw. Ika kopwe álleani me ekilon wóón iteitan me apwénúetá met ka káé seni, iwe, “kopwe feiöch o fefeitä lon meinisin mine kopwe föri.” (Josua 1:8; Kölfel 1:1-3) Kopwe pwal sissileeló Kot me Néún we, Jesus, me ena sile a tongeni emmwenuk ngeni manaw.​—Johannes 17:3.

Ifa usun kopwe álleani ekkewe puk lón Paipel? Ka tongeni pwisin filatá. Ei schedule fán iten álleaan Paipel epwe álisuk le álleani ekkewe puk lón Paipel lón en me pwisin tettelin are álleani lón tettelin itelap mi ririfengen. Áwewe chék, ka tongeni filatá ekkewe mi apwóróusa féfférún Kot ngeni ekkewe chón Israel lóóm. Ka tongeni álleani pwal ekkóch kinikin mi affata ifa usun ewe popun mwichefelin Chón Kraist a poputá me lallapoló chóchóón. Ika kopwe fitipachei ei schedule iteiten rán, ka tongeni álleani unusen ewe Paipel lón úkúkún eú ier.

Ese lifilifil ika ka kútta eú kókkótun álleaan Paipel rán me rán, are kókkótun álleaan Paipel úkúkún eú ier, are kókkótun poputáán álleaan Paipel, ei schedule epwe álisuk. Download ei schedule fán iten álleaan Paipel mi tongeni print, me poputá le állea ikenái.