MANAWEN CHÓN KRAIST
Néúnéúfichi Ekkewe Pisekin Afalafal lón Ach we Pwórun Asukul
Ach angangen álisi aramas le wiliti Chón Kraist a usun chék ach aúetá eú imw. Ren an epwe múrinné ewe angang, mi lamot sipwe silefichi áeáán ekkewe pisek. Ewe Paipel ina ewe pisek mi kon lamot seni meinisin, me a ákkáeúin lamot ach achocho pwe sipwe sipeéch le néúnéú. (2Ti 2:15) A pwal lamot ach sipwe néúnéúfichi ekkewe puk me video lón ach we Pwórun Asukul pwe sipwe álisi aramas ar repwe wiliti Chón Kraist. *
Ifa usun kopwe alapaaló óm néúnéúfichi ekkewe pisekin afalafal lón ach we Pwórun Asukul? (1) Tingor álillis seni ewe chón emmweni kúmiin afalafal, (2) mwin me ekkewe chón afalafal mi lipwákéch are pioneer lón afalafal, me (3) asóssót, asóssót, asóssót. Atun ka angangéchúló le néúnéú ekkewe pisekin afalafal ren choweán puk me video, kopwe meefi pwapwa lón óm fiti ewe angangen kaú lón pekin lúkú mi fiffis iei.
MAGAZINE
BROCHURE
PUK
TRACT
VIDEO
TAROPWEEN ETIWETIW
CONTACT CARD
^ par. 3 Ese wor lón ewe Pwórun Asukul ekkewe puk mi kawor fán iten chék eú táppin aramas. Nge sia tongeni pwal néúnéú ika pwe mi fich.
