MANAWEN CHÓN KRAIST
Achocho le Angei Asukul Seni Kot
PWATA A LAMOT: Ewe Soukáit mi Lap, Jiowa, a ngenikich ewe sókkun asukul mi múrinné seni meinisin. A áiti ngenikich ifa usun sipwe ámúrinnééló manawach me a ammólnakichetá ngeni manaw lón an we ótót sefé. Nge ese fókkun kamé! (Ais 11:6-9; 30:20, 21; Pwä 22:17) Jiowa a pwal awora ngenikich asukul pwe epwe elipwákéchúkich le afalafala ewe pwóróusen manaw.—2Ko 3:5.
USUN ACH FÉRI:
-
Ámááraatá ewe napanap tipetekison.—Kf 25:8, 9
-
Etiwa met chék sókkun káit ka tufichin angei iei, áwewe chék ren ekkewe kinikin fán iten chón sukul lón ewe Manawach me Ach Angangen Afalafal Mwich
-
Filatá met kewe kopwe pwisin achocho ngeni lón óm angang ngeni Jiowa.—Fp 3:13
-
Achocho le ketiw ngeni pwal ekkóch kókkótun káit inaamwo ika kopwe pennúkúóló mochenum.—Fp 3:8
KATOL EWE VIDEO SPIRITUALLY RICH BY JEHOVAH’S TEACHING, MWIRIN PÉLÚWENI EKKEEI KAPAS EIS:
-
Ikkefa ekkewe minen eppet ekkóch chón afalafal ra ataweei pwe repwe tongeni fiti ewe Sukulen Chón Afalafala ewe Mwú?
-
Met sókkun káit a kawor lón ewe Sukulen Chón Afalafala ewe Mwú?
-
Lupwen ekkewe chón sukul ra tori ekkewe leeni ra assign ngeni wesin ar sukul, ifa usun chón ekkewe mwichefel ra álisiir?
-
Met a lamot ren án emén epwe tongeni ketiw ngeni ewe Sukulen Chón Afalafala ewe Mwú? (kr-E 189)
-
Ikkefa pwal ekkóch sókkun káit ka tongeni achocho le angei lón án Jiowa we mwicheich?
Ikkefa ekkewe feiéch kopwe kúna ika ka achocho le angei káit seni Kot?