MANAWEN CHÓN KRAIST
Met Ua Kon Aúcheani?
Jakop a aúlap ngeni emén chónláng fán iten met mi fókkun aúchea, ina ewe feiéch seni Jiowa. (Ken 32:24-31; Os 12:3, 4) Nge oukich? Sia achocho me éttúres le álleasochisi Jiowa ren ach sipwe feiéch? Áwewe chék, menni sipwe filatá? Ach fiti mwich ika angangoló ren fitu awa? Lupwen sia ngeni Jiowa unusen ach fansoun, péchékkúlach, me mettóchuch, I epwe ninatiw woch “chomong sokun feiöch mi somwola.” (Mal 3:10) Epwe emmwenikich, túmúnúkich, me awora met sia osupwangan.—Mat 6:33; Ip 13:5.
KATOL EWE VIDEO STAY FOCUSED ON SPIRITUAL GOALS, MWIRIN PÉLÚWENI EKKEEI KAPAS EIS:
-
Ifa usun ewe fépwúl Chón Kraist a kúna sóssót ren och mettóch a fókkun pwapwaiti?
-
Ifa usun ach angang a tongeni eú sóssót ngenikich?
-
Pwata a lamot án Timoty epwe isetiw met epwe akkachocho ngeni inaamwo a fen emén mi ásimaw?—1Ti 4:16
-
Met a kon aúchea lón manawom?
Ifa usun sia pwári menni angang a nampa eú me rech?
