Jesus a asoresini manawan fán ásengesin aramas tipis. (Ro 5:8) Ese mwáál kich mi meefi aúchean án Jesus pwáraatá an tongekich ren an fangóló manawan fán itach. Nge, fán ekkóch a lamot sipwe áchema ngeni pwisin kich pwe Kraist mi pwal máló fán iten pwiich. Ifa usun sipwe pwáraatá án Kraist tong ngeni pwiich kewe, iir kewe rese unuséch usun chék kich? Ren ach sótuni ekkeei úlúngát mettóch. Áeúin, sia tongeni etiwa ekkewe mi sókkóló nónnómur senikich ar repwe pwal chiechiach. (Ro 15:7; 2Ko 6:12, 13) Oruuan, sia tongeni túmúnú pwe met sia apasa are féri esap asonga ekkewe ekkóch. (Ro 14:13-15) Aúlúngátin, ika emén a tipis ngenikich, sia tongeni mwittir omusaaló tipisin. (Luk 17:3, 4; 23:34) Ika sia fókkun achocho le áppirú Jesus lón ekkeei úlúngát napanap, iwe Jiowa epwe ekkefeiéchú ngeni ewe mwichefel kinamwe me tipeeú.

KATOL EWE VIDEO BECOME MORE BEAUTIFUL! MWIRIN PÉLÚWENI EKKEEI KAPAS EIS:

• Me akkomwan, met meefien Miki ngeni an we mwichefel?

• Met a efisi an epwe wor ekkesiwilin meefian?

• Ifa usun án Jesus leenien áppirú a álisi Miki le siwili met a eáni ekiek? (Mar 14:38)

• Ifa usun Än Salomon Fos 19:11 a álisikich le eáni ekiek mi pwúng ngeni chienach kewe Chón Kraist?