Lón néún aposel Paulus taropwe ngeni Titus, a fénéú ekkewe alúwél kapachelong Titus ar repwe fókkun achocho pwe repwe ‘eu lenien apirü lon ar föför mi mürina.’ (Tit 2:6, 7) Mwirin Paulus a apasa pwe popun án néún Jiowa kewe aramas ra limeliméch, pwe repwe tufichin “fokun achocho le föri mine a mürina.” (Tit 2:14) Eú me lein ekkena féffér mi múrinné, ina ewe angangen afalafal me asukula aramas usun Mwúún Kot. Ika en emén kúkkún are sáráfé, ka tongeni áeá péchékkúlom pwe kopwe emén auxiliary are regular pioneer?​—SF 20:29.

Ika ka mochen kopwe emén pioneer, akkótaéchú manawom pwe kopwe tufichin pioneer. (Luk 14:28-30) Áwewe chék, ren pekin moni ifa usun kopwe atufichuk atun ka fiti ewe angangen full-time? Ifa usun kopwe tikeri noum awa? Iótek me fós ngeni Jiowa usun nónnómum. (Kf 37:5) Fós ngeni semom me inom me chókkewe mi sópwéch lón ar angangen pioneer. Iwe, mwirin kopwe achocho le apwénúetá met ka fen akkóta óm kopwe pioneer. Jiowa epwe fókkun efeiéchú óm tinikken le angang fán itan.

KATOL EWE VIDEO YOUTHS HONORING JEHOVAH, MWIRIN PÉLÚWENI EKKEEI KAPAS EIS:

• Met sókkun weires ekkóch ra pwákini pwe repwe tongeni pioneer, nge ifa usun ra féri ena?

• Ifa usun sam me in repwe álisi néúr kewe ar repwe regular pioneer?

• Pwata a lamot epwe wor schedule fán iten angangen afalafal?

• Ifa usun chón ewe mwichefel repwe apéchékkúla me álisi emén pioneer?

• Ikkefa ekkewe feiéch a tori chókkewe mi pioneer?