PWATA A LAMOT: Jiowa a wisen ámáári ekkewe pwikilin enlet lón letipen ekkewe mi “fich ngeni manau esemuch.” (Föf 13:48, NW; 1Ko 3:7) Sia angangfengen me Jiowa ren ach afóta tufichich me péchékkúlach lón ewe angangen afalafal wóón chókkewe mi apwénúetá met ra káé. (1Ko 9:26) A lamot ekkewe chón káé Paipel repwe weweiti pwe án Chón Kraist papatais minne epwe amanawer. (1Pe 3:21) Sia álisiir le wiliti néún Jesus chón káé ren ach áitiir le féri siwil lón manawer, le afalafal me asukul, me fangóló manawer ngeni Jiowa.​—Mat 28:19, 20.

USUN ACH FÉRI:

• Áchema ngeni ekkewe chón káé Paipel pwe popun ar káé pwe epwe álisiir ar “repwe silei” Jiowa me apwapwaai i.​—Jo 17:3

• Álisiir le feffeitá ren ar pworacho ngeni sóssótur kewe, ren choweán met kewe ra eérenaaló nge mi ngaw me chiechi mi ngaw

• Apéchékkúler me peseer mwen me mwirin ar ra papatais.​—Föf 14:22

KATOL EWE VIDEO JEHOVAH GOD WILL HELP YOU, MWIRIN PÉLÚWENI EKKEEI KAPAS EIS:

• Met kewe emén a eáni niwokkusun an epwe fangóló manawan ngeni Kot me papatais?

• Ifa usun ekkewe mwán mi ásimaw ra tongeni álisi ekkewe chón káé Paipel le feffeitá lón pekin lúkú?

• Met Aisea 41:10 a áiti ngenikich usun Jiowa?

• Ikkefa ekkewe napanap ra tongeni atufichi ach sipwe ketiw le angang ngeni Jiowa inaamwo ika sise unuséch?