PWATA A LAMOT: Ekkewe mi kepit me ekkewe ekkóch siip ra etiwa aramas ese lifilifil meinisin le “ünümi ewe kolukun manau, nge esap möni.” (Pwä 22:17) Ei konik lón kapas áwewe a liosuetá meinisin met Jiowa a awora fán iten aramas mi álleasochisi ar repwe ngaseló seni tipis me máló. Ren ach sipwe álisi aramas seni sókkopaten eéreni me lamalam, a lamot ach afalafala ewe “Pworausen Manau esemüch” epwe achúngú emén me emén leir.​—Pwä 14:6.

MINNE KOPWE FÉRI:

• Filatá eú pwóróus me wokisin repwe achúngú letipen ekkewe aramas lón óm we territory. Neman kopwe filatá eú alen pwóróusfengen are eú pwóróus ka kúna pwe aramas ra sani le aúseling. Ikkefa ekkewe pwóróus me wokisin aramas ra sani? A wor eú pwóróus aramas ra kan fóffós usun? Met sókkun pwóróus emén mwán are emén fefin epwe pwapwaiti le aúseling?

• Óm pwóppwóróus ngeni ewe chón imw epwe kapachelong kapongen me eérenien aramas lón leeniom we.​—2Ko 6:3, 4

• Kopwe silefichi masouen ach we Pwórun Asukul pwe kopwe tongeni áiti ngeni emén mi pwapwa le aúseling

• Download ekkewe puk, video me pwal ekkóch lón ekkewe fós aramas ra eáni lón óm we territory

• Kopwe siwili ewe pwóróus ka ekiekin eáni ngeni ewe chón imw ngeni met epwe kon álisi. (1Ko 9:19-23) Áwewe chék, met kopwe apasa ika ka chuuri nge ka kerán silei pwe a má seni emén attongean?

KATOL EWE VIDEO, MWIRIN PÉLÚWENI EKKEEI KAPAS EIS:

• Ifa ewe pwóróus ewe chón afalafal a poputá le fós ngeni ewe chón imw wóón?

• Met a fiffis lón manawen ewe chón imw?

• Menni wokisin a kon fich ngeni ewe chón imw lón ena atun, me pwata?

• Ifa usun ka kan siwili óm afalafal pwe aramas lón óm we territory repwe sani le aúseling?