Seni ewe ier 2018, néúch kewe magazine fán iten aramas ese lifilifil ra menlapei eú chék itelap iteitan. Meinisin ekkena magazine ra nóm lón ach we Pwórun Asukul. Sia tongeni néúnéú ekkena magazine lón ach angangen afalafal. Sia tongeni uwei ekkóch me leir atun ach sái are ló shopping. Ekkena magazine ese ffér fán iten ach sipwe néúnéú le káé ngeni aramas ewe Paipel, nge ra tongeni efisi án emén epwe mochen káé usun Kot.

Mwirin óm poputá le fós ngeni emén, áiti ngeni eú wokisin are apwóróusa eú pwóróus seni eú magazine mi tongeni álisi. Áwewe chék, ika a wor néún semirit are teenage are nóm fán letipeta are weires, neman kopwe apasa: “Ua kerán álleani eú pwóróus mi múrinné usun ena mettóch. Ua tongeni áiti ngonuk?” Ika ka meefi pwe a sani, ka tongeni ngeni ewe magazine are tiinaaló lón internet. Ka tongeni féri ena pwal mwo nge lón ewe áeúin atun ka kerán chuuri. Inaamwo ika ach anéúnéú magazine esap ina ach we áeúin angang, nge a tongeni álisikich le kútta chókkewe mi mochen apwénúetá minne ra káé.​—Föf 13:48.