Ewe angangen katowu a túmúnú ewe mwichefel me apwúngú ekkewe chón tipis rese aier. (1Ko 5:6, 11) Lupwen sia álisatá ena esin angangen kapwúng seni Jiowa, sia pwári tong. Ifa usun an epwe pwúng ena ika ewe angangen katowu a efisi metekin letip ngeni meinisin, kapachelong aramasen ewe mi katowu me ewe kúmiin chón apwúng?

Sia ákkáeúin pwári ach tongei itéchún Jiowa me an kewe allúk mi pin. (1Pe 1:14-16) Sia pwal pwári ach tongei ewe mi katowu. Inaamwo ika kapwúng mi chou, a ámmetek, nge a tongeni álisi emén le “manaueni eu manauen kinamwe me pwüng.” (Ip 12:5, 6, 11) Ika sia chiechi ngeni emén mi katowu are emén mi pwisin atowu, weween sia angolong lón án Jiowa angangen kapwúng. Chechchemeni pwe án Jiowa angangen kapwúng ngeni néún kewe aramas a fis “fän aüküköch.” (Jer 30:11) Sia áneánei pwe ewe mi katowu epwe liwiniti Semach we mi úméúméch. Nge ren mwo iei, sipwe sópweló le álisatá án Jiowa alen awora angangen kapwúng me achocho le féri meinisin met mi lamot pwe sipwe akkapéchékkúla ach riri ngeni Jiowa.​—Ais 1:16-18; 55:7.

KATOL EWE VIDEO MAINTAIN LOYALTY WITH A UNIFIED HEART, MWIRIN PÉLÚWENI EKKEEI KAPAS EIS:

• Met sókkun metek ekkewe sam me in Chón Kraist ra meefi atun néúr a likitaló Jiowa?

• Ifa usun ewe mwichefel a tongeni álisatá chón eú famili mi tuppwél ngeni Jiowa?

• Menni pwóróus lón Paipel a affata lamoten an epwe péchékkúl ach tuppwél ngeni Jiowa lap seni ach tuppwél ngeni chón ach famili?

• Ifa usun sipwe pwári pwe ach tuppwél ngeni Jiowa a lap seni ach tuppwél ngeni ach famili?