MANAWACH ME ACH ANGANGEN AFALAFAL MINEN KÁÉ FÁN ITEN MWICH February 2018
Alen Pwóróusfengen
Alen pwóróusfengen wóón ekkeei kapas eis: Paipel a chúen álilliséch ngenikich lón ach ei fansoun? Paipel me science ra tipeeúfengen? Mi álilliséch ngenikich án Paipel kewe kapasen fén?
PWÓRÓUS AÚCHEA SENI KAPASEN KOT
Ewe Kapas Áwewe Usun Ekkewe Wiich me Ekkewe Pétéwélingaw
Met án Jesus kapas áwewe usun ekkewe wiich me pétéwélingaw a weneiti? Ié a liosutiw ren ewe chón amwora pwikil, chón oputan we, me ekkewe chón angangen rás?
MANAWEN CHÓN KRAIST
Ekkewe Kapas Áwewe Usun ewe Mwú me Lamoter Ngenikich
Jesus a áeá kapas áwewe mi mecheres le asukula aramas pwóróus mi fókkun alóllóól lón pekin lúkú. Ikkefa ekkewe lesen sia tongeni káé seni Mateus sópwun 13?
PWÓRÓUS AÚCHEA SENI KAPASEN KOT
Eú Kúkkún Mwichen Aramas le Amwéngééni Chómmóng
Jesus a ereni néún kewe chón káé repwe amwéngééni fitengeréú aramas ikaamwo a chék wor rer nimeféú pilawa me rúúemén iik. Iwe, met a fis, me ifa usun a weneitikich?
MANAWEN CHÓN KRAIST
“Asamolu Semom me Inom”
Jesus a menlapei ei allúk: “Kopwe asamolu semom me inom.” Mei wor aúkúkún ewe fansoun sipwe asamolu semach kewe me inach?
PWÓRÓUS AÚCHEA SENI KAPASEN KOT
Án Ié Ekiek Ka Eáni?
Met a lamot sipwe féri pwe án Kot ekiek epwe emmweni manawach? Jesus a affata úlúngát mettóch epwe álisikich ach sisap eáni ekiek mi mwáál.
MANAWEN CHÓN KRAIST
Ámúrinnééló Tufichich lón ewe Angangen Afalafal—Néúnéúfichiin Kapas Eis
Jesus a néúnéúfichi kapas eis le asukula chón aúselinga i sókkopaten lesen. Ifa usun sia tongeni áppirú napanapen an asukul mi múrinné lón ach angangen afalafal?
PWÓRÓUS AÚCHEA SENI KAPASEN KOT
Túmúnú pwe Kosap Pwisin Atolongok me Ekkewe Ekkóch lón Tipis
Jesus a áeá kapas áwewe pwe epwe áiti ngenikich feiengawen ach pwisin atolongakich lón tipis are eselipa án ekkewe ekkóch repwe tipis. Ifa ewe mettóch lón manawom a tongeni emmwenuk ngeni tipis?
