Atun án Jesus nóm wóón fénúfan, a menlapei ei allúk: “Kopwe asamolu semom me inom.” (Eks 20:12; Mat 15:4) Jesus a tongeni apasa ena pokiten i pwisin a álleasochisi seman kewe me inan atun lesáráféén. (Luk 2:51) Atun a watte nge me mwen epwele máló, a akkóta ika ié epwe wisen túmúnú ngeni inan we.​—Jo 19:26, 27.

Lón pwal ach ei fansoun, Chón Kraist sáráfé mi asamolu semer kewe me iner ra álleasochisiir me fós ngeniir fán súfél. Ese wor aúkúkún ewe fansoun sipwe asamolu semach kewe me inach. Pwal mwo nge atun ra chinnap, sipwe chék sópweló le asamoluur ren ach aúcheani ar kapasen éúréúr ngenikich. (SF 23:22) Sia pwal asamolu semach kewe me inach ra chinnap ren ach álisiir lón pekin memmeef me aion. (1Ti 5:8) Ese lifilifil ika kich kúkkún are watte nge ach eérenaaló le chuchchuuriir me pwóppwóróus ngeniir, ina pwal eú alen ach pwáraatá pwe sia asamoluur.

KATOL EWE VIDEO HOW CAN I TALK TO MY PARENTS?, ME PÉLÚWENI EKKEEI KAPAS EIS:

• Pwata epwe itá weires ngonuk óm kopwe fós ngeni semom kewe me inom?

• Ifa usun ka tongeni asamolu semom kewe me inom atun ka fós ngeniir?

• Ifa lamoten óm achocho le fóffós ngeni semom kewe me inom? (SF 15:22)