Lón án Jesus we Afalafal Wóón ewe Chuuk, iei met a erá: “Ousap öüreki manauemi.” (Mat 6:25) Ewer, pokiten kich aramas sise unuséch me sia pwal nónnóm lón ei fénúfan Satan a nennemenem wóón, fán ekkóch sia meefi aúrek ren ekkóch mettóch. Nge alon Jesus na a éúréúra néún kewe chón káé an esap kon ssenúkúló ar meefi aúrek. (Kf 13:2) Pwata? Pún ach kon aúreki mettóch, pwal mwo nge met kewe mi lamot ngenikich iteiten rán, a tongeni erikikicheló, iwe epwe weires ach sipwe akkomwa Mwúún Kot lón manawach. (Mat 6:33) Met Jesus a apasa mwirin ei epwe álisikich ach sisap kon aúrek.

• Mat 6:26—Met sia tongeni káé seni ach nennengeni ekkewe machchang? (w16.07 11-12 ¶11-13)

• Mat 6:27—Pwata ach kon meefi aúrek a alusmwáálieló ach fansoun me péchékkúl? (w06 4/1 28 ¶5)

• Mat 6:28-30—Met sia tongeni káé seni ekkewe péén iráán lemal? (w16.07 13 ¶15-16)

• Mat 6:31, 32—Met ekkewe Chón Kraist ra sókkóló wóón seni ekkewe aramas rese silei Kot? (w16.07 13 ¶17)

Met ewe ua mochen wes le aúreki?