Jiowa a akkótaéchú ekkewe chón Israel lóóm, iwe pwal ina met a féri ngeni néún kewe aramas lón ei fansoun pwe repwe tongeni féri letipan. Wóón unusen fénúfan, ekkewe keangen ofesilap, kúmiin mwichefel, ekkewe mwichefel me kúmiin chón afalafal, iir meinisin ra kókkótéch le álisatá ewe angangen afalafala ewe pwóróus allim. Sia afalafal ngeni aramas meinisin, kapachelong chókkewe mi eáni pwal eú fós.​—Pwä 14:6, 7.

Ka fen ekiekin káé pwal eú fós pwe kopwe álisi emén le káé ewe enlet? Inaamwo ika kese tongeni awora ewe fansoun mi lamot óm kopwe káé pwal eú fós, nge ka tongeni áeá ewe JW Language app le káé eú afalafal mi mecheres. Mwirin óm áeá ena app lón óm angangen afalafal, kopwe meefi ewe pwapwa pwiich kewe lóóm ra meefi lón ewe fansoun ekkewe aramas seni sókkopaten fénú ra mwaar atun ra rongorong lón pwisin ar fós “ekewe mettoch mi amwarar Kot a föri.”​—Föf 2:7-11.

KATOL EI VIDEO BECOME JEHOVAH’S FRIEND​—PREACH IN A FOREIGN LANGUAGE, MWIRIN PÉLÚWENI EKKEEI KAPAS EIS:

• Ineet atun neman kopwe áeá ewe JW Language app?

• Ikkefa ekkóch masouan kewe?

• Met sókkun fós aramasen lón leeniom ra eáni?

• Met kopwe féri ika emén mi eáni pwal eú fós a sani le káé usun pwóróusen ewe Mwú?​—od-E 100-101 ¶39-41