Pwata sia kon pwapwaiti ach kewe mwichelap mi fis iteiten ier? Usun chék án ekkewe chón Israel lóóm chulap, ach kewe mwichelap lón ach ei fansoun a kan suuki ngenikich alen ach sipwe fel ngeni Jiowa fitifengen me fitepúkú, pwal mwo nge fitengeréú, pwiich kewe Chón Kraist. Sia pwapwaiti eú fansoun watteen mwéngéfengen lón pekin lúkú. Sia pwal aúcheani ei fansoun mi aúchea sia chiechifengen me chienach kewe me chón ach famili. Ach meefi watteen kilisou a amwékútúkich ach sipwe fiti meinisin ekkewe úlúngát ránin mwichelap.

Atun ekkeei fansoun mwichfengen, mi lamot sisap chék ekieki ifa usun sipwe pwisin kúna feiéch nge sipwe pwal ekieki ifa usun sia tongeni pwári tong ngeni ekkewe ekkóch. (Kal 6:10; Ip 10:24, 25) Ika sia suuki ngeni pwiich kewe ewe asam are áimuoló ewe chék sea sipwe mómmóót wóón, sia pwári pwe sia ekieki minne ekkóch repwe feiéch ren. (Fp 2:3, 4) Ekkewe fansoun mwichelap a álisikich le kúnékún pwal ekkóch chiechiach. Mwen me mwirin ewe prokram me atun mwéngéén leolowas, sia tongeni akkóta le chiechi ngeni emén sise sissilei. (2Ko 6:13) Ewe chiechi sia poputááni lón ekkeei esin fansoun a tongeni nómoffóch! Nge lap seni meinisin, ewe tong mi pwápwáló lefilach neman epwe amwékútú chókkewe mi kúna ar repwe fitikich le angang ngeni Jiowa.​—Jo 13:35.

KATOL EI VIDEO “LOVE NEVER FAILS”! INTERNATIONAL CONVENTIONS, MWIRIN PÉLÚWENI EKKEEI KAPAS EIS:

• Ifa usun chókkewe mi ketiw seni pwal ekkóch fénú ngeni ewe 2019 mwichelapen aramas seni sókkopaten fénú ra meefi tong?

• Pwata a mmen amwarar ewe tong me tipeeú mi pwá lein néún Jiowa kewe aramas?

• Ifa usun chón ewe Mwichen Soupwúngúpwúng ra menlapei ewe tong lefilen Chón Kraist?

• Ifa usun ewe tong lefilen Chón Kraist a chéúló lón Germany me South Korea?

• Met a lamot sipwe tipeppós le féri?