Pwata kese ereni semom kewe me inom enletin meefiom? (SF 23:26) Jiowa a ewisa ngeniir ar repwe túmúnuk me emmwenuk. (Kf 127:3, 4) Ika kese kan ekkereniir met mochenum me met ka lólileniesini, epwe weires ngeniir ar repwe álisuk. Pwal och, kese tongeni káé seni met ekkewe ra kúkkúna lón manawer. Mi ngaw óm kosap pwáraaló ekkóch meefiom? Ese wor ngawan, nge túmúnú pwe kete otupu semom kewe me inom ren ar lúkúoló met ese enletin pwúng.​—SF 3:32.

Ifa usun kopwe fós ngeni semom kewe me inom? Filatá eú atun mi fichiituk pwal fichitiir. Ika a weires ena, ka tongeni mak taropwe ngeni emén me leir me ereni meefiom. Nge met kopwe féri ika ra mochen fós ngonuk wóón och mettóch kese mochen fósun? Chemeni pwe ra fókkun mochen álisuk. Kopwe meefi pwe semom kewe me inom iir chiechiom nge esap chón oput en. Óm achocho úkúkún óm tufich le pwáppwár ngeniir meefiom, epwe fókkun atoto ngonuk feiéch lón unusen manawom me kúna manaw esemuch!​—SF 4:10-12.

KATOL EI VIDEO MY TEEN LIFE​—HOW CAN I TALK TO MY PARENTS?, MWIRIN PÉLÚWENI EKKEEI KAPAS EIS:

• Met Esther me Partik ra mirititi usun pwisin iir?

• Met ka tongeni káé seni án Jesus leenien áppirú?

• Ifa usun semom kewe me inom ra pwári pwe ra tongeok?

• Ikkefa ekkewe kapasen emmwen seni Paipel ra tongeni álisuk le fós ngeni semom kewe me inom?