MANAWEN CHÓN KRAIST
Achocho le Silei án Kot Ekiek
Sia mochen apwapwaai Jiowa lón mettóch meinisin sia féri. (SF 27:11) Ren ach sipwe féri ena, a lamot sipwe féri ekkewe kefil mi pwári án Kot ekiek pwal mwo nge lón ekkewe atun ese wor allúk mi tichikin affata met sipwe féri. Met a tongeni álisikich le féri ena?
Fiffiti óm kkótun káéén Paipel iteitan. Iteiten sia álleani Paipel, usun itá ina ewe fansoun sia chiechifengen me Jiowa. Sia tongeni silei usun án Jiowa ekiek ren ach nennengeni féfférún ngeni aramas, me ren ach etittina pwóróusen chókkewe iir mi eáni féffér mi múrinné are féffér mi ngaw me ren. Atun sia nóm lón eú kefil, ewe ngún mi fel a tongeni áchema ngenikich ekkewe lesen mi lamot me ekkewe kapasen emmwen sia fen káé seni án Kot we Kapas.—Jo 14:26.
Research. Atun kopwele féri eú kefil, pwisin eisinuk, ‘Menni ekkewe pwóróus lón Paipel ra tongeni álisiei le weweiti án Jiowa ekiek usun ena mettóch?’ Tingor án Jiowa álillis lón iótek, me áeá ekkewe minen álillis mi kawor lón óm fós pwe repwe álisuk le research me apwénúetá án Paipel kewe kapasen emmwen mi weneiti óm we osukosuk.—Kf 25:4.
KATOL EI VIDEO WE MUST “RUN WITH ENDURANCE”—EAT NUTRITIOUS FOOD, MWIRIN PÉLÚWENI EKKEEI KAPAS EIS:
-
Ikkefa ekkewe sóssót ewe Chón Kraist nengngin lón ewe video a kúna?
-
Ifa usun ka tongeni áeá ekkewe minen álillis le research an epwe álisuk le pwákini ekkewe pwal esin sóssót?
-
Ifa usun ach awora fansoun le research me pwisin káé a tongeni álisikich le eáni kefil mi múrinné?—Ip 5:13, 14
