Iteiten ier, néún Jiowa kewe aramas ra pwapwa le fiti ewe Áchechchem. Atun ekkewe wiik mwen me mwirin ewe Áchechchem, sia alamota ewe fansoun mi suuk ngenikich ach sipwe mwareiti me kilisou ngeni Jiowa ren an fang ngenikich ewe méén kepich. (Ef 1:3, 7) Áwewe chék, sia achocho le etiwa aramas le fiti ewe Áchechchem. Ekkóch ra tongeni féri siwil lón ar schedule pwe repwe auxiliary pioneer me achocho ngeni 30 are 50 awa lón ekkewe maram March are April. Ka mochen alapaaló óm fiti ewe angangen afalafal lón ewe fansoun Áchechchem? Met a tongeni álisuk le féri ena?

Fán chómmóng, sia tongeni alapaaló ach angang ika sia akkóta me mwan. (SF 21:5) Pokiten sia arap ngeni ewe fansoun Áchechchem, iwe iei ewe atun sipwe poputá le akkóta met sipwe féri. Ekieki ifa usun ka tongeni alapaaló óm angangen afalafal atun ewe fansoun Áchechchem, me filatá met a lamot kopwe féri pwe kopwe tikeri met ewe ka mochen achocho ngeni. Mwirin, tingorei Jiowa an epwe efeiéchú óm achocho.​—1Jo 5:14, 15.

Ka tongeni ekieki ifa usun kopwe alapaaló óm angangen afalafal atun ewe fansoun Áchechchem?