Án Kot we Kapas a tongeni ekkesiwili manawach. (Ip 4:12) Iwe nge, ren ach sipwe feiéch seni an kewe kapasen fén me emmwen, a lamot ach sipwe lúkúlúk pwe ina ewe “wesewesen kapasen Kot.” (1Te 2:13) Ifa usun sia tongeni apéchékkúla ach lúkú ewe Paipel?

Álleani ekkóch kinikinin ewe Paipel iteiten rán. Atun óm állea, kútta ekkóch pisekin ánnet mi pwári pwe Jiowa i ewe Soumakkan. Áwewe chék, etittina ekkewe kapasen emmwen lón ewe puken Än Salomon Fos me ekieki ekkewe kapasen tipachem lón mi weneiti nónnómuch lón ei fansoun.​—SF 13:20; 14:30.

Poputááni eú káéén Paipel. Kopwe káéfichi ekkewe pisekin ánnet pwe ewe Paipel a pop seni Kot. Ló ngeni jw.org/chk, me search “Paipel Pop Seni Kot.” Ka tongeni pwal alapaaló óm lúkú pwe ewe kapasen Kot ese sissiwil ren óm álleani ekkewe pwóróus lón Ewe Leenien Mas, July 2016.

KATOL EI VIDEO WHY WE HAVE FAITH IN . . . GOD’S WORD, MWIRIN PÉLÚWENI EKKEEI KAPAS EIS:

• Ifa usun án aramas kúna etippen ewe imwenfel lón Karnak, Isip a ánnetatá pwúngún án Kot we Kapas?

  Pélúwen

• Pwata sia silei pwe met Paipel a fós usun ese sissiwil?

  Pélúwen

• Ifa usun án ewe Paipel nónnóm tori ikenái a ánnetatá ngonuk pwe ina ewe Kapasen Kot?​—Álleani Aisea 40:8

  Pélúwen