Pwata kopwe mmólnetá? Semmwen me feiengaw watte me óm need álillisin pioing ra tongeni weiweitá. Ina popun, me mwen epwe fis ena, kopwe mmólnetá iei pwe ka tongeni angei ewe álillis mi kon múrinné mi suuk ngonuk lón pekin sáfei. Óm féri ena, ka pwári pwe ka aúcheani manaw me án Jiowa kewe allúk usun chcha.​—Föf 15:28, 29.

Met ka tongeni féri ren óm kopwe mmólnetá?

• Iótek me ekiekifichi atun kopwe amasoua ewe durable power of attorney (DPA) card. a Ekkewe chón afalafal mi papatais ra tongeni tingor néúr DPA card seni ewe chón túmúnú puk me pwal ewe Identity Card (ic) fán iten néúr kewe

• Ika en mi pwopwo, iwe tingorei ekkewe mwán mi ásimaw eché kapiin ewe Information for Expectant Mothers (S-401). Ei taropwe a tongeni álisuk le féri kefil mi múrinné usun ekkewe osukosuk ra tongeni ppiitá atun óm pwopwo me néúnéú

• Ika a lamot án ewe tokter epwe angang woom are kopwe lúing, kopwe esile ngeni ekkewe mwán mi ásimaw me mwen kopwe lúing, me esile ngeni ekkewe chón pioing pwe ka etiwa án Chón Pwáraatá Jiowa repwe chuuruk

Ifa usun ekkewe mwán mi ásimaw ra tongeni álillis? Ra tongeni álisuk le amasoua ewe DPA card. Iwe nge, ekkewe mwán mi ásimaw rese tongeni féri eú kefil fán itom lón pekin sáfei are uwawu meefier wóón ekkewe mettóch itá úrúrún emén me emén leich epwe pwisin filatá. (Ro 14:12; Kal 6:5) Atun ka ereni ekkewe mwán mi ásimaw pwe noum we tokter a fósun pwe eli a lamot óm kopwe angei chcha, iir repwe mwittir kéri ewe Hospital Liaison Committee (HLC) fán itom.

Ifa usun ewe HLC a tongeni álillis? Ekkewe mwán Chón Kraist mi chóni ewe HLC iir ra sipeéch le álisi ekkewe tokter me ewe pioing are pwal ekkewe soukapwúng ar repwe weweiti ach lúkú usun chcha. Ra tongeni fós ngeni noum kewe tokter wóón ekkóch minen álillis lón pekin sáfei nge ese lamot áeáán chcha. Ika mi pwal lamot kopwe kútta pwal emén tokter, ra tongeni álisuk le kútta emén epwe weweiti óm lúkú.

KATOL EI VIDEO HOW TO MAKE HEALTH-CARE DECISIONS REGARDING BLOOD, MWIRIN PÉLÚWENI EI KAPAS EIS:

• Ifa usun ei video a álisuk le mmólnetá ika a weiweitá óm kopwe need álillisin pioing nge mi weneiti chcha?

  Pélúwen