MANAWEN CHÓN KRAIST
Jiowa A Álisikich Atun Sia Nóm lón Weires
Lón ekkeei ránin lesópwólóón, sia kúna chómmóng sóssót mi áweires. Fán ekkóch, eli sipwe meefi pwe ach kewe sóssót ra kon áweires ach sipwe likiitú faar. Iwe nge, ika sia sópweló le akkarap ngeni Jiowa iwe i epwe álisikich le likiitú pwal mwo fán ekkewe sóssót mi kon ssenúk. (Ais 43:2, 4) Ifa usun sia tongeni akkarap ngeni Jiowa atun sia nóm fán sóssót?
Iótek. Atun sia iinaawu masouen letipach ngeni Jiowa, i a fang ngenikich kinamween letip me tipeppós pwe sipwe tongeni likiitú.—Fp 4:6, 7; 1Te 5:17.
Mwich. Lón ei fansoun a ákkáeúin lamot ngenikich ekkewe mwich Jiowa a awora pwe sipwe tongeni angei ewe mwéngé lón pekin ngún me chiechifengen me pwiich kewe. (Ip 10:24, 25) Atun sia ammólnatá, fiti ekkewe mwich, me uwawu meefiach, sia unusen kúna álillis seni án Jiowa we ngún mi fel.—Pwä 2:29.
Angangen afalafal. Sipwe kúna pwe epwe mecheresiló ach ákkeáni ekiek mi pwúng ika sia kan akkachocho le fiti ewe angangen afalafal. Sipwe pwal akkapéchékkúla ach chiechifengen me Jiowa me chienach kewe chón angang.—1Ko 3:5-10.
KATOL EI VIDEO JEHOVAH WILL TAKE YOU IN, MWIRIN PÉLÚWENI EKKEEI KAPAS EIS:
-
Met a álisi Malu an epwe chék ririéch ngeni Jiowa atun a nóm lón weires?
-
Ifa usun Kölfel 34:18 a tongeni oururukich atun sia nóm lón weires usun chék an álisi Malu?
-
Ifa usun pwóróusen Malu a pwári pwe Jiowa a fang ngenikich “tufich mi somwola” atun sia nóm fán weires?—2Ko 4:7
