February 26–March 3
KÖLFEL 11-15
Kél 139 me Iótek | Kapasen Lepoputáán (1 min.)
1. Anchangei Óm Nónnóm lón án Kot we Ótót Séfé mi Kinamwe
(10 min.)
Kkótongawen ótóten ei fénúfan a efisi féfférún akkachofesá sia kúkkúna lón ei fansoun (Kf 11:2, 3; w06 5/1 29 ¶3)
Sia tongeni lúkúlúk pwe ekiseló chék Jiowa epwele amóeló féfférún akkachofesá (Kf 11:5; wp16.4 11)
Ach ekilonei án Jiowa pwon pwe epwe amanawakich, a tongeni álisikich le witiwiti ewe ótót séfé fán mosonottam (Kf 13:5, 6; w17.08 7 ¶15)
SÓTUNI: Álleani Isikiel 34:25, me anchangei óm nónnóm lón ewe leeni mi ekinamwe ei wokisin a fósun.—kr 236 ¶16.
2. Kúkkútta Pwóróus Aúchea
(10 min.)
-
Kf 14:1—Ifa ussun minne ei wokisin a fósun a mmen efeiengaw pwal mwo nge ngeni ekkewe Chón Kraist? (w13 9/1 19 ¶12)
-
Met ka sani seni ewe álleaan Paipel lón ei wiik?
3. Álleaan Paipel
(4 min.) Kf 13:1–14:7 (th lesen 2)
4. Poputááni eú Pwóróusfengen
(2 min.) AFALAFAL SERESERÉCH. Etiwa ngeni ewe Áchechchem. (lmd-E lesen 5 nampa 3)
5. Poputááni eú Pwóróusfengen
(1 min.) IMW ME IMW. Etiwa ngeni ewe Áchechchem. (lmd-E lesen 3 nampa 4)
6. Poputááni eú Pwóróusfengen
(3 min.) IMW ME IMW. Emén a etiwa ewe taropween etiwetiw fán iten ewe Áchechchem. (lmd-E lesen 7 nampa 4)
7. Álisi Aramas le Wiliiti Chón Kraist
(5 min.) lff lesen 13 menlapan, enniwili, me achocho ngeni. Néúnéú eú ekkewe lesen seni ewe kinikin “Pwal Ekkóch Pwóróus” le álisi noum we chón káé le weweiti meefien Kot ussun ekkewe lamalam chofona. (th lesen 12)
Kél 8
8. “Mirit A Mürina Seni Pisekin Maun”
(10 min.) Afalafal me memmeef.
A lallapoló féfférún akkachofesá wóón unusen fénúfan. Jiowa a silei pwe sia fókkun aúrek atun sia kúna ekkena féffér. A pwal weweiti pwe a lamot ngenikich túmún. Eú alen án Jiowa túmúnúkich, ina ren an we Kapas, ewe Paipel.—Kf 12:5-7.
Ewe Paipel a masou ren án Kot kapasen tipáchem mi “mürina seni pisekin maun.” (SA 9:18) Áwewe chék, ekieki ifa ussun ekkeei kapasen emmwen seni Paipel a tongeni túmúnúkich seni féfférún akkachofesá.
-
SA 4:9, 10—Kosap ákkáláemén lón ekkewe esin leeni ese safe
-
SF 22:3—Kopwe túmúnúéch me áteneki met mi fiffis atun ka nónnóm lón eú leeni mi chómmóng aramas ie
-
SF 26:17—Kosap fósolong lón eú ánini esap pwal óm
-
SF 17:14—Sú seni eú leeni iká ka kúna pwe epwele fis osukosuk. Túmúnuk seni ekkewe aramas ra chufengen pwe repwe protest
-
Lk 12:15—Kosap fókkun atolongak lón feiengaw ren óm kopwe túmúnú pisekum kewe
Fichi ei VIDEO Imitate the Faithful, Not the Faithless—Enoch, Not Lamech. Mwirin eisini chón mwiich:
Ifa ussun pwóróusen Inok a álisi emén sam le eáni ekiek mi pwúng ussun ewe féfférún akkachofesá mi fiffis lón leenian we?—Ip 11:5
Eli fán ekkóch, emén Chón Kraist epwe meefi pwe a lamot epwe féri och mettóch ren an epwe túmúnú pwisin i me pisekin kewe. Iká ina, epwe féri úkúúkún an tufich le túmúnú pwe esap nieló emén pwe ete tipisin nimanaw.—Kf 51:14; ppii “Kapas Eis Seni Chón Állea” lón Ewe Leenien Mas minen July 2017.
9. Angangen Etiwa Aramas Ngeni ewe Áchechchem Epwe Poputá Ammól, March 2
(5 min.) Emén mwán mi ásimaw epwe eáni ei afalafal. Apwóróusa kókkótun ewe mwichefel fán iten ewe angangen etiwa aramas, afalafal mi kkóló aúchean, me ewe Áchechchem. Áchchema ngeni ekkewe chón afalafal pwe ra tongeni filaatá le auxiliary pioneer me néúni 15 awa fán March me April.
10. Án ewe Mwichefel Káéén Paipel
(30 min.) bt sópwun 6 ¶9-17
