9:62

Ren an epwe wenewen ekkewe line lón ewe pwúl emén chón atake a ttu, a lamot an esap rikiló ekiekin ren met mi nóm mwirin. Pwal ina chék usun ren emén Chón Kraist, mi lamot epwe nefótófót pwe ete rikisefál ngeni ekkewe mettóchun fénúfan a fen likitiireló.​—Fp 3:13.

Lupwen a torikich weires, a mecheres ach sipwe poputá le pwosiiti met kan apwapwaan me lóóm, neman ikkena ekkewe mettóch sia féri me mwen ach poputá le angang ngeni Jiowa. Lupwen a fis ena, sia kan ekilapei apwapwaan ekkena mettóch nge tunaló met osukosukan. Ina met a fis ngeni ekkewe chón Israel mwirin ar towu seni Isip. (Num 11:5, 6) Ika sia kon nefotofot wóón ekkena esin ekiek, neman sipwe mochen liwiniti manawach we me lóóm. A ifa me fen múrinnéén ika sipwe nefótófót wóón ekkewe feiéch sia kúna iei me ewe esin pwapwa sipwe eáni lupwen ewe Mwúún Kot epwe nemeni fénúfan!​—2Ko 4:16-18.