Paipel a áiti ngenikich pwe féfférúch ngeni Chón Kraist mi watte ieriir senikich usun nge iir semach me inach, me féfférúch ngeni ekkewe mi kúkkún ieriir senikich usun nge iir pwiich, fefinach, me mwongeach. (Álleani 1 Timoty 5:1, 2.) A ákkáeúin lamot ngeni ekkewe mwán Chón Kraist ar repwe súféliti ekkewe fefin Chón Kraist.

Emén Chón Kraist mwán epwe túmúnú pwe féfférún ngeni emén Chón Kraist fefin esap usun itá nge a sike ngeni are féri och epwe efisi án neminna esap kinamwe le nómwengeni. (Hp 31:1) Emén Chón Kraist mwán lipich esap fókkun féri án emén Chón Kraist fefin lipich epwe ekieki nge a mochen ar repwe memmenfengen nge esap ina met ekiekin ena mwán.

A lamot ngeni ekkewe Chón Kraist mwán mi ásimaw ar repwe pwári kirekiréch ngeni ekkewe Chón Kraist fefin mi kapas eis ngeniir fán súfél are ereniir och mettóch mi lamot ar repwe ekieki usun. Ekkewe mwán mi ásimaw ra ákkáeúin ekieki usun ekkewe fefin ese wor pwúlúwer repwe túttúmúnúúr.​—Rut 2:8, 9.

KATOL EI VIDEO DISPLAY UNFAILING LOVE IN THE CONGREGATION​—TO WIDOWS AND THE FATHERLESS, MWIRIN PÉLÚWENI EKKEEI KAPAS EIS:

• Ifa usun chón ewe mwichefel ra pwári ar enletin tongei Fefinach Myint?

• Ifa usun ewe tong chón ewe mwichefel ra pwári a elingaaló Jiowa lón ewe sóópw?

• Ifa usun ewe tong chón ewe mwichefel ra pwári a fókkun amwékútú néún Fefinach Myint kewe nengngin?

Met ka tongeni féri fán iten ekkewe Chón Kraist fefin lón óm we mwichefel mi pwári óm tong ngeniir?