Ewe Paipel a ur ren pwóróusen án Jiowa aúselinga iótek. Néún kewe aramas ra péchékkúleló atun ra kúna án Jiowa pélúweni ar kewe iótek me álisiir. Ina minne, a múrinné ach sipwe tichiki met ekkewe sia ióteki, me mwirin achocho le esilla ifa usun Jiowa a pélúweniir. Chemeni pwe pélúwen ach kewe iótek eli epwe tongeni sókko seni met sia fen eáni tingor are fen lap seni. (2Ko 12:7-9; Ef 3:20) Met Jiowa a tongeni awora pwe pélúwen ach kewe tingor?

• Péchékkúl lón pekin ngún, inis, are memmeef pwe sipwe tongeni likiitú fán ewe osukosuk sia kúna.​—Fp 4:13, TF

• Tipachem pwe sipwe eáni kefil mi múrinné.​—Jas 1:5

• Mochen me ach tufichin apwénúetá letipan.​—Fp 2:13

• Kinamween letip atun sia aúrek.​—Fp 4:6, 7

• Álillis lón pekin aion me memmeef seni ekkewe ekkóch.​—1Jo 3:17, 18

• Álillis fán iten chókkewe sia iótekiir.​—Föf 12:5, 11

KATOL EI VIDEO JEHOVAH IS THE “HEARER OF PRAYER,” MWIRIN PÉLÚWENI EKKEEI KAPAS EIS:

• Ifa usun pwóróusen Pwiich Shimizu a tongeni apéchékkúlakich ika a aúkúk met sia tufichin féri pokiten apwangapwangen inisich?

• Ifa usun sia tongeni áppirú Pwiich Shimizu?