Sia alamota ach péchékkúl atun sia isetiw met sipwe achocho ngeni lón ach angang ngeni Kot. (1Ko 9:26) Ekkena mettóch sia mochen achocho ngeniir repwe álisikich le áeáéchú ach fansoun mwen ótóten ei fénúfan epwele sópwóló. (Ef 5:15, 16) Atun ámi famili fel, pwata ousap isetiw met oupwe achocho ngeni fán iten ei service ier epwele feito? Eú service year a poputá seni September 1 lón ei ier tori August 31 lón en ier. Lón ei Manawach me Ach Angangen Afalafal Mwich a wor fitu lesen mi fós usun ekkewe mettóch oua tongeni ekiekin achocho ngeni me iótekiir.​—Jas 1:5.

Áwewe chék, oua tongeni álillisfengen me chón óm famili pwe mwaren emén me leimi epwe regular pioneer? Ika ka tipemwaramwar ika kopwe tongeni tikeri ewe awa, fós ngeni ekkóch pioneer mi léllé nónnómumi. (SF 15:22) Eli, atun ámi famili fel, oua pwal tongeni interviewni emén pioneer. Mwirin makkeetiw ekkóch schedule ka ekieki epwe éch ngonuk. Ika ka fen pin pioneer me lóóm, ekieki nónnómum iei ika ka tufichin pioneer sefál.

Mi tufich án ekkóch chón óm we famili repwe auxiliary pioneer eú maram are fen lap seni? Ika kese kon lien péchékkúl, eli ka tongeni auxiliary pioneer nge kopwe chék afalafal mwaren fitu awa iteiten rán. Ika a weires óm kopwe afalafal lón weekday pokiten en emén chón angang full-time are chón sukul, iwe eli kopwe pioneer lón ewe maram mi wor holiday lón are nimu weekend lón. Makkeetiw lón ewe pwinin maram ineet ka ekiekin auxiliary pioneer me óm schedule.​—SF 21:5.

KATOL EI VIDEO BE A COURAGEOUS . . . PIONEER, MWIRIN PÉLÚWENI EI KAPAS EIS:

• Ifa usun Jiowa a túmúnú Emma, me met a áiti ngenikich?