• Kf 69:​30, 31—Ifa ussun ekkeei wokisin ra tongeni álisikich le émúrinnéló ach kewe iótek? (br2 22 ¶11)

  Pélúwan me reom

• Met ka sani seni ewe álleaan Paipel lón ei wiik?

  Pélúwan me reom

Lón ewe January 2009, a kochufengen ewe Puk Study, Sukulen Angangen Chón Kraist, me Service Meeting ngeni eú mwiich lón weekday. Ena a atufichi án ekkewe famili repwe áimuoló eú rán lón eú wiik fán iten famili fel. Chómmóng ra pwáári ar kilisou fán iten ena kókkót mi álisiir le ririéch ngeni Jiowa me ar kewe famili.—Tut 6:​6, 7.

Ikkefa ekkóch kapasen emmwen a tongeni álisi ekkewe mékúren famili le asopwéchú ar Famili Fel iteiten wiik?

• Féfféri iteitan. Iká mi tufich, filaatá eú ránin famili fel iteiten wiik. Iká a fis och mettóch mi weiweitá lón óm na ránin famili fel, kopwe ámweta ngeni pwal eú rán

• Ammólnatá. Fós ngeni pwúlúwom we, me fán ekkóch eisini néúmi kewe met ra mochen káé. Ese lamot kopwe ammólnatá chómmóng, ákkáeúin iká a chék taitap minne oua sani le féri iteiten wiik

• Káé ekkewe pwóróus mi weneiti ámi famili. Atun néúmi kewe ra wattetá, epwe siwil met a lamot ngeniir me tufichiir kewe. Iwe a lamot ekkewe pwóróus oupwe káé epwe álisi meinisin chón óm we famili le péchékkúleló lón pekin ngún

• Oupwe kinamwefengen me pwáppwári tong atun ámi famili fel. Fán ekkóch, iká ese ngaw ásepwál, akkóta le féri ámi famili fel lúkún. Ese wor ngawen ámi oupwe asésé lukanapen ámi famili fel. A mmen éch oupwe pwóróusfengen wóón ekkewe osukosuk néúmi kewe ra kúkkúna, nge ousap áeá ewe fansoun famili fel le esiiter are apwúngúúr

• Káé sókkopaten pwóróus. Áwewe chék, oua tongeni ammólnatá mwiich, katol me pwóróusfengen wóón eché video seni jw.org, me praktis fán iten ewe angangen afalafal. Inaamwo iká itá epwe kon lap ámi pwóróusfengen atun Famili Fel, nge oua pwal tongeni en me pwisin féri an káé

Pwóróusfengen wóón ei kapas eis:

• Ifa ussun ka apwénúetá ekkena kapasen emmwen atun óm famili fel?

  Pélúwan me reom