Sam me in mi niwokkusiti Kot, ra áneánei pwe néúr kewe repwe wiliti chón angang mi tuppwél ngeni Jiowa. Sam me in ra tongeni álisiir ar repwe ina usun ren ar fótukalong áitien Paipel kewe lón letiper seni leménúkolur. (Tut 6:7; SF 22:6) Mi lamot án ekkewe sam me in repwe pennúkúóló mocheniir? Fókkun ewer! Nge feiéchún epwe kon lap seni ar angang weires.​—3Jo 4.

Sam me in ra tongeni káé chómmóng mettóch seni Josef me Maria. Inaamwo ika a lamot angang weires pwal moni towu, nge iteiten ier “ra soun feila Jerusalem fän iten ewe chulapen Pasofer.” (Luk 2:41) Ese mwáál me ren Josef me Maria án ar famili riri ngeni Jiowa ina met mi fókkun lamot. Pwal ina usun, sam me in ikenái ra tongeni emmweni néúr kewe ngeni ewe al mi pwúng ren ar asukuler iteitan lón ar kapas me féffér.​—Kf 127:3-5.

KATOL EWE VIDEO THEY TOOK EVERY OPPORTUNITY, MWIRIN PÉLÚWENI EKKEEI KAPAS EIS:

• Ifa usun Jon me Sharon Schiller ra kan akkomwa Mwúún Kot atun ra túmúnú ar famili?

• Pwata mi lamot ngeni sam me in ar repwe eáni emirit mi fich ngeni emén me emén néúr kewe?

• Ifa usun sam me in ra tongeni ammólnatá néúr kewe le pworacho ngeni sóssótun ar lúkú?

• Ikkefa ekkewe minen álillis mi kawor me ren án Jiowa mwicheich ka áeá le álisi noum kewe ar repwe wiliti chiechien Kot?