Jesus a isetiw eú leenien áppirú pwe sipwe áppirú, ákkáeúin atun sia kúkkúna sóssót are riáfféúmwáál. (1Pe 2:21-23) Inaamwo ika ekkóch ra esiita Jesus, nge i ese appélúwer pwal mwo nge atun a nóm lón riáfféú. (Mar 15:29-32) Met a álisi an epwe likiitú? A tipeppós le féri letipen Jiowa. (Jo 6:38) A pwal nefotofot wóón “ewe pwapwa mi nom mwan.”​—Ip 12:2.

Met sia féri lupwen sia kúna riáfféú pokiten ach lúkú? Chón Kraist mi enlet rese “liwini ngeni emon mi ingau an we mi ingau.” (Ro 12:14, 17, Testament Mi Fö) Lupwen sia áppirú án Kraist likiitú fán riáfféú, sia tongeni pwapwa pokiten a nóm rech án Kot chen.​—Mat 5:10-12; 1Pe 4:12-14.

KATOL EWE VIDEO JEHOVAH’S NAME IS MOST IMPORTANT, MWIRIN PÉLÚWENI EKKEEI KAPAS EIS:

• Ifa usun chienach Pötzinger * a áeáfichi an fansoun atun a nónnóm lón ewe ruumwen fétek i chék ákkáláemén lón?

• Ikkefa ekkewe riáfféú chón Pötzinger ra likiitú fan atun ra nónnóm lón sókkopaten leenien fétek?

• Met a álisiir ar repwe likiitú?