“Eu Lios” mi Wor Weween Ngenikich
Ewe aposel Paulus a néúnéú ei “lios” le áweweei múrinnéén ewe pwonen etipeeú mi fé seni ewe pwonen etipeeú án ewe Allúk. Fán túmúnúen Kraist me chókkewe repwe fiti le nemenem, aramas meinisin ra tufichin ngaseseni tipis, letipeta, me máló.—Ais 25:8, 9.
HAKAR EWE CHÓN ANGANG FEFIN Mwúún Israel fán án ewe Allúk pwonen etipeeú, nge Jerusalem iolapan |
SARA EWE FEFIN MI NGAS Jerusalem lón láng, ewe kinikinin án Kot we mwicheich lón láng |
“NÖÜN” HAKAR Ekkewe chón Jus (iir kewe mi riri ngeni Jiowa fán án ewe Allúk pwonen etipeeú) ra aúcheangawa me eriáfféwúmwááli Jesus |
“NÖÜN” SARA Kraist me ekkewe 144,000 Chón Kraist mi kepit |
FÉTEK FÁN ÁN EWE ALLÚK PWONEN ETIPEEÚ Ewe Allúk a áchema ngeni ekkewe chón Israel pwe ra nóm fán nemenien tipis |
NGASELÓ FÁN EWE PWONEN ETIPEEÚ MI FÉ Lúkú lón án Kraist we asor a angasaaló aramas seni fán kapwúngún ewe Allúk |