Lón ach kewe mwichefel, a wor ekkewe ra angang ngeni Jiowa lón fite fite ier. Sia tongeni káé seni ar unusen lúkúlúk wóón Jiowa. Sia tongeni eisiniir usun uruwoon án Jiowa we mwicheich pwal usun án Jiowa álisiir le likiitú fán ar kewe sóssót. Sia pwal tongeni etiwa emén leir an epwe apwóróusa pwóróusan lón ach Famili Fel.

Ika en emén Chón Kraist mi ásimaw, kopwe akkapwóróusa ngeni ekkewe mi kis sonuk ifa usun Jiowa a álisuk. Jakop me Josef ra kan apwóróusa met Jiowa a féri fán iter ngeni néúr kewe. (Ken 48:21, 22; 50:24, 25) Jiowa a allúk ngeni ekkewe mékúren famili ar repwe áiti ngeni néúr kewe usun an kewe féffér mi amwarar. (Tut 4:9, 10; Kf 78:4-7) Lón ach ei fansoun, sam me in me ekkewe ekkóch lón ewe mwichefel ra tongeni akkapwóróusa ngeni ekkewe mi kúkkún ekkewe mettóch mi amwarar ra pwisin kúna án Jiowa féri me ren an we mwicheich.

KATOL EWE VIDEO MAINTAINING UNITY UNDER BAN, MWIRIN PÉLÚWENI EKKEEI KAPAS EIS:

• Ifa usun ewe keangen ofesilap lón Austria a álisi pwiich kewe lón ekkewe fénú a pinepin ach angang ie?

• Ifa usun pwiich kana lón ekkena fénú ra sópweló le apéchékkúla ar lúkú?

• Pwata chómmóng pwiich kewe lón Romania ra imu seni án Jiowa we mwicheich, me ifa usun ra liwinsefál?

• Ifa usun ekkena pwóróus a apéchékkúla óm lúkú?