• Áeá pwisin óm address. Nge ika ka meefi pwe ese éch óm kopwe áeá pwisin óm address, ka tongeni áeá addressin ewe Leenien Mwich ika mi mumutá me ren ekkewe mwán mi ásimaw. Iwe nge, KOSAP FÓKKUN áeá addressin ewe keangen ofesilap.

• Ika ka silei, iwe néúnéú iten ewe emén me an last name. Ika ka ina, iwe ewe emén esap ekieki pwe ewe taropwe eú minen advertise.

• Túmúnú itechikin me itiitiéchún ekkewe kapas, pwal ekkewe period, comma, me metakkan. Ewe taropwe epwe torotoréch. Ika ewe taropwe esap taip, iwe túmúnú pwe epwe ffat mesen óm. Masouen ewe taropwe epwe usun nge ka fós fán súfél ngeni emén chiechiom.

Ei taropwe a áiti ngenikich ifa usun sipwe apwénúetá ekkena emmwen. Nge kosap ekiekin kapiini masouan iteiten óm mak ngeni emén ka mochen afalafal ngeni. Kopwe fen anapanapa noum taropwe pwe epwe fichiiti nónnómun me eérenien ewe emén me ewe popun ka mak.