PWATA A LAMOT: Puken 1 Korint ina eú me lein ekkewe 14 taropwe lón Paipel aposel Paulus a makkeei ngeni chienan kewe Chón Kraist pwe epwe apéchékkúler. Lupwen emén a makkeei eché taropwe, a tongeni filiéchú an kapas, me ewe mi angei ewe taropwe a tongeni álleani fán chómmóng. Taropwe ra tongeni álilliséch lupwen sia mochen afalafal ngeni aramasach kewe me aramas sia sissileer. Ra pwal atufichikich le afalafal ngeni chókkewe sise tongeni pwisin fós ngeniir. Áwewe chék, neman emén a pwapwaiti ach afalafal ngeni, nge ese kan nóm atun ach lilliwiniti imwan. Neman a wor ekkóch aramas lón leeniach a weires ach sipwe afalafal ngeniir pokiten ra nónnóm lón ekkewe esin imw are apartment are leeni mi pinepin ngeni aramas esap chón lón ena leeni, are a fókkun weires ach sipwe tikeri imwer kewe. Met sipwe chechchemeni, ákkáeúin ika sia mak ngeni emén sise sissilei?

USUN ACH FÉRI:

• Makkeei met itá kopwe erá ika kopwe pwisin fós ngeni. Affata ika en ié me lepoputáán ewe taropwe me pwata ka mak ngeni. Neman ka tongeni eppiietá eú kapas eis ewe emén a tongeni ekieki usun, me ereni usun ach website. Iwe, ereni usun ekkewe Online Bible Study Lessons, are ach we kókkót le káé ngeni aramas Paipel lón imwer, are eppiietá itelapen ekkóch sópwun lón eú me lein ekkewe puk sia kan néúnéú le káé ngeni aramas. Ka pwal tongeni apachaalong lón ewe futo eché tract, taropween etiwetiw, contact card, are pwal ekkóch

• Amwocha noum taropwe. Túmúnú pwe ete kon ttam iwe ewe emén epwe chipwang le álleaanaaló.​—Ppii ewe taropwe

• Chekifichi masouan pwe ete wor mi mwáál lón, epwe ffat, me epwe ésúfél, apéchékkúl, me pwári chiechiéch. Ppii pwe epwe naf úkúkún sitam ka pacheetá wóón ewe futo