Lupwen emén a féri mi ngaw ngenikich, tong epwe amwékútúkich ach sisap liwiningaw ngeni, nge epwe lap seni ena, sipwe fen kirekiréch ngeni. “Are chon oputom a echik, kopwe amongöü, nge are a kaka, kopwe aünü, pun are kopwe föri iei usun, säw epwe küri usun ekkei a kürikich.” (Ro 12:20) Neman ach pwári kirekiréch ngeni emén mi kirikiringaw ngenikich epwe mwo nge efisi an epwe lamalameló ren met a féri.

Sótun chechchemeni eú atun ka ámeteki letipen emén nge esap turun tipom, nge mwirin a kirekiréch ngonuk. Met ka meefi lupwen a féri ena?