Sia kan meefi riáfféú ren ekkewe sóssót mi torikich, ákkáeúin ika ra fis ren fansoun langattam. Tafit a silei pwe fán eú epwe muchúló ewe sóssót a tori seni King Saul, me i epwe wiliti king usun chék met Jiowa a fen eáni pwon. (1Sa 16:13) Án Tafit lúkú, ina met a álisi an epwe mosonottam me witiwiti Jiowa.

Lupwen sia kúna sóssót, neman sia tongeni áeá ach mirit, sile, are ach tufichin ekiek le ekkesiwili met mi fis ngenikich. (1Sa 21:12-14; SF 1:4) Iwe nge, ikaamwo sia achocho úkúkún ach tufich le féri met mi tipeeú ngeni án Paipel kapasen emmwen, sipwe chúen kúna ekkóch weires. Ika ina, iwe mi lamot sipwe mosonottam me witiwiti Jiowa. Ekiseló chék, i epwe amóeló ach weires meinisin me ‘talüpwasei chönün masach’ meinisin. (Pwä 21:4) Ikaamwo sia ngaseló seni ach kewe sóssót pokiten án Jiowa álillis are pokiten pwal ekkóch popun, nge iei och mettóch mi alúkúlúk: Meinisin sóssót repwe muchúló lón eú ekkeei rán. Ei, a tongeni oururu letipach.

KATOL EI VIDEO A UNITED PEOPLE IN A DIVIDED WORLD, MWIRIN PÉLÚWENI EKKEEI KAPAS EIS:

• Met sókkun sóssót ekkóch Chón Kraist ra kúna me lón éérún United States?

• Ifa usun ra pwári ar mosonottam me tong?

• Met a álisiir le sópweló ar nefótófót wóón “mine a fokun mürina”?​—Fp 1:10