Chókkewe chék mi limeliméch lón manawer ra tongeni ririéch ngeni Jiowa. (1Pe 1:14-16) Atun ekkewe chón káé ra úkútiw le féfféri ekkewe mettóch mi ngaw ra eérenaaló le féri, eli repwe pwal kúna álilliséchún ngeni ar famili, péchékkúlen inisiir, me néúr moni.

Áweweéchú ngeniir án Jiowa kewe allúk usun manaw mi liméch, ewe popun ra kawor, me met feiéchún ika repwe álleasochisiir. Nefótófót wóón óm álisiir ar repwe ekkesiwili napanapen ar ekiek, iwe repwe tongeni féri minne Jiowa a tipeni. (Ef 4:22-24) Alúkúlúkú ngeniir pwe ren án Jiowa álillis, ra tongeni úkútiw le féri ekkewe mettóch mi ngaw ra eérenaaló le féfféri. (Fp 4:13, TF) Ereniir ar repwe tingormaú ngeni Jiowa lón iótek an epwe álisiir atun ra kúna sóssótun ar repwe féri tipis. Álisiir ar repwe mirititi me ttii seniir met kewe epwe áweiresi ar repwe féri minne mi pwúng. Peseer ar repwe féri ekkewe mettóch epwe álilliséch ngeniir, nge esap fen ekkewe mi ngaw. Sia mmen pwapwa ach kúna ekkewe chón káé mi sópwéch le féri siwil lón manawer ren án Jiowa álillis.

KATOL EI VIDEO HELP YOUR BIBLE STUDENTS TO OVERCOME UNCLEAN HABITS, MWIRIN PÉLÚWENI EKKEEI KAPAS EIS:

• Ifa usun ekkewe mwán mi ásimaw me Neeta ra pwári ar lúkúlúk wóón Jade?

• Ifa usun Neeta a sópweló le álisi Jade?

• Ifa usun Jade a kútta álillis seni Jiowa?