April 1-7
KÖLFEL 23-25
Kél 4 me Iótek | Kapasen Lepoputáán (1 min.)
1. “Ewe Samol mi Lapalap Ai Chon Mas”
(10 min.)
Jiowa a emmwenikich (Kf 23:1-3; w06 4/1 23 ¶9, 10)
Jiowa a túmúnúkich (Kf 23:4; w06 4/1 24-25 ¶13-15)
Jiowa a amwéngéénikich (Kf 23:5; w06 4/1 26 ¶17, 18)
Jiowa a tongei néún kewe chón angang ussun chék án emén chón masen siip tongei néún kewe siip.
PWISIN EISINUK, ‘Ifa ussun Jiowa a pwáári pwe a tongeei?’
2. Kúkkútta Pwóróus Aúchea
(10 min.)
Kf 23:3—Met weween “ekewe al mi pwüng,” me met epwe álisikich ach sisap riki seniir? (w11 2/1 24 ¶1-3)
Met ka sani seni ewe álleaan Paipel lón ei wiik?
3. Álleaan Paipel
(4 min.) Kf 23:1–24:10 (th lesen 5)
4. Poputááni eú Pwóróusfengen
(3 min.) AFALAFAL SERESERÉCH. Álleani eú wokisin mi apéchékkúl ngeni emén mi erenuk pwe a lólilen ussun ngangngawolóón fénúfan. (lmd-E lesen 2 nampa 5)
5. Liwiniti
(4 min.) IMW ME IMW. Pwomweni eú káéén Paipel ngeni emén mi etiwa ewe brochure Eáni Manaw mi Pwapwa! (lmd-E lesen 9 nampa 3)
6. Álisi Aramas le Wiliiti Chón Kraist
(5 min.) lff lesen 14 nampa 4 (lmd-E lesen 11 nampa 3)
Kél 54
7. Sisap Aúseling Ngeni Léúwen Chókkewe Sise Sissileer
(15 min.) Afalafal me memmeef.
Ekkewe siip ra silei léúwen néúr we chón mas me ra tapwei. Nge ra sú seni chókkewe rese sissileer. (Jo 10:5) Pwal ina chék ussun rech, sia aúseling ngeni léúwen néúch kewe chón masen siip mi tong me alúkúlúk, Jiowa me Jises. (Kf 23:1; Jo 10:11) Nge sise aúseling ngeni léúwen chókkewe sise sissileer mi sótun apwangapwangaaló ach lúkú ren ar eáni “kapas chofona.”—2Pi 2:1, 3.
Keneses sópwun úlúngát a fósun ewe ewin atun emén a rong léúwen emén ese sissilei. Setan a fós ngeni If ren emén serepenit pwe esap silei ié we a wesewesen fós ngeni. A tipin chiechi ngeni me a sorei alon Jiowa me minne a tipeni. A mmen eletipechou pokiten If a aúseling, iwe mwirin a atoto watteen riáfféú ngeni me chón an we famili.
Lón ei fansoun Setan a pwal sótun etipemwárámwárakich ussun Jiowa me an we mwicheich ren an achéúfetálei pwóróus mi otuputup me chofona. Atun sia rong léúwen emén sise sissilei, sipwe sú seni! Ach chék mochen ekis mwo aúseling, a efeiengaw. Áwewe chék, inaamwo iká mi chék mwoch án Setan me If pwóróusfengen, nge a sópwéch le otupu. (Ken 3:1, 4, 5) Nge ifa ussun iká emén mi tongekich me mochen álisikich, a mochen erenikich och pwóróus mi mwáál ussun án Jiowa we mwicheich?
Fichi ei VIDEO Reject “the Voice of Strangers.” Mwirin eisini chón mwiich:
Met ka káé seni napanapen án Jade fós ngeni inan we i emén chón lúkún, atun a mochen ereni och pwóróus mi mwáál ussun án Jiowa we mwicheich?
8. Án ewe Mwichefel Káéén Paipel
(30 min.) bt sópwun 8 ¶1-4, pwóór lón p. 69-70
