9:1-7

Ekieki mwo meefien Jesus, atun ewe wililó, lupwen a rong án Seman we lón láng apasa pwe a fókkun pwapwa ren. Ese wor tipemwaramwar pwe ei a apéchékkúla Jesus pokiten epwele kúna riáfféú. Pwal och, ei wililó a fókkun álisi Petrus, James, me Johannes le anúkúchara ar lúkú pwe Jesus i wesewesen ewe Messaia me a pwúng ar aúseling ngeni. Iwe, mwirin 32 ier, Petrus a chúen chemeni ena wililó me a apéchékkúla an lúkú “ekewe kapas ekewe soufos ra arongafeili.”​—2Pe 1:16-19.

Inaamwo ika sise pwisin kúna amwararen ei lángipwi nge sia kúkkúna pwéppwénúetáán iei. Jesus i emén King mi manaman a nennemenem iei. Ekiseló chék, epwele “feila,” “pwora” me “win,” ena epwe efisi ewe ótót sefé.​—Pwä 6:2.

Ifa usun óm lúkú a péchékkúleló ren óm kúna pwéppwénúetáán ekkewe oesini lón Paipel?