Pokiten sise unuséch, iwe mi lamot ach sipwe akkachocho le nemenifichi mochenich kewe. A tongeni ta ach ririéch ngeni Jiowa ika sia mut ngeni mochenich an epwe nemenikich. Ekkóch ra mut ngeni mocheniir ar repwe nemenireló, áwewe chék ren mwéngé, úf, me leeni, iwe ese chúen wor ar fansoun fán iten Kot. Ekkóch ra apwénúetá ar mocheniangaw nge ra álleasolapa án Kot kewe allúk. (Ro 1:26, 27) Me ekkóch ra tipetipeló ren chiechier kewe pokiten ra mochen ar repwe saniir.​—Eks 23:2.

Ifa usun sipwe tongeni nemeni mochenich kewe? Mi lamot ach sipwe achocho le nefótófót wóón met epwe apwapwaai Jiowa. (Mat 4:4) Pwal och, sipwe tingormaú ngeni Jiowa an epwe álisikich le nemeni mochenich kewe. Pwata? Pokiten a silei met epwe échitikich me ámenemenéchúkich.​—Kf 145:16.

KATOL EI VIDEO DON’T LET YOUR LIFE GO UP IN SMOKE, MWIRIN PÉLÚWENI EKKEEI KAPAS EIS:

• Pwata ekkóch aramas ra ún suupwa?

• Met efeiengawen ún suupwa?

• Pwata a ngaw ún suupwa me vaping?​—2Ko 7:1

• Ifa usun kopwe ttii sonuk ún suupwa are pwal mwo nge úkútiw seni?