Pokiten sópwólóón ei ótót a kakkanoto, iwe sipwe kúna lapólóón osukosuk, angangen terrorist, me maun. (Pwä 6:4) Ifa usun sipwe tongeni mmólnetá ngeni ekkewe weires repwe fis lón fansoun mwach?

• Mmólnetá lón pekin ngún: Silei án Paipel kewe kapasen emmwen, me pwal ekkewe pwóróus repwe apéchékkúla óm lúkúlúk wóón Jiowa me an we mwicheich, me repwe álisuk óm kosap angolong lón mwékútúkútún fénúfan. (SF 12:5; jr-E 125-126 ¶23-24) Iei ewe atun sipwe apéchékkúla ewe riri lefilach me chón ewe mwichefel.​—1Pe 4:7, 8

• Mmólnetá lón pekin aion: Akkótaéchú an epwe núkúnúkéch imwom we ika kese tongeni ló seni me epwe wor reom ekkewe mettóch mi lamot. Pwal och, akkóta me mwan met kopwe féri ika a lamot óm kopwe sú seni imwom we. Chekisefál masouen óm we pwotoun met mi lamot ika a fis mettóch mi weiweitá. Waalong lón óm na pwotou moni, me ekkewe minen túmún áwewe chék ren ekkewe pau me mask. Silei ifa usun kopwe kéri ekkewe mwán mi ásimaw me ereniir pwóróusom, me nochchei ar repwe pwal silei ifa usun repwe kéruk.​—Ais 32:2; g17.5-E 3-7

Atun osukosuk, sópweló óm kkótun fel ngeni Jiowa, áwewe chék ren ikkiótek, kákkáé Paipel, me fiffiti mwich. (Fp 1:10) Kosap kon sissiwili ewe leeni ka nóm ie chilóón chék ika mi lamot. (Mat 10:16) Fang ngeni ekkewe ekkóch mwéngé me mettóch mi wor reom.​—Ro 12:13.

KATOL EI VIDEO ARE YOU PREPARED FOR A DISASTER? MWIRIN PÉLÚWENI EKKEEI KAPAS EIS:

• Ifa usun Jiowa a tongeni álisikich atun a fis feiengaw watte?

• Met sia tongeni féri pwe sipwe mmólnetá?

• Ifa usun sia tongeni álisi chókkewe mi feiengaw ren ekkewe feiengaw watte?