8:6-9, 12; 9:1-5, 23, 24

Jiowa a tiinaato ekkei me a kenaló ewe áeúin asoren kek án Aaron me néún kewe, ekkewe ra filitá pwe repwe souasor. Ei a pwári pwe Jiowa a álisatá me pwapwa ren ei mineféén kókkótun souasor. Ren ena, Jiowa a pesei ekkewe aramas mi kakkatol met a fiffis ar repwe unusen álisatá ekkena souasor. Ikenái, Jiowa a néúnéú Jesus Kraist, ewe Souasor mi Lap. (Ip 9:11, 12) Lón ewe ier 1919, Jesus a seikaatá eú kúkkún kúmiin mwán mi kepit pwe repwe wisen chóni ewe “chon angang mi allükülük o tipachem.” (Mat 24:45) Met a ánnetatá pwe Jiowa a efeiéchú, álisatá, me pwapwa ren ewe chón angang mi alúkúlúk?

• Inaamwo ika a kan fiffis riáfféúmwáál, ewe chón angang mi alúkúlúk a sópweló le akkawora mwéngé lón pekin lúkú

• Ewe kapas allim a afalafalfeil “won unusen fanüfan,” usun chék met Paipel a fen oesini.​—Mat 24:14

Ifa usun sia tongeni unusen álisatá ewe chón angang mi alúkúlúk me tipachem?