Ren án néúch kewe chón káé repwe silei Jiowa me ásimawóló lón pekin lúkú, mi lamot repwe pwal káé chómmóng mettóch usun ewe enlet, esap chék ekkewe sia áiti ngeniir. (Mat 5:3; Ip 5:12–6:2) A pwal lamot repwe káé ifa usun repwe pwisin káé ewe Paipel.

Seni ewe atun oua kerán poputá káé me néúmi kewe chón káé, áiti ngeniir ifa usun repwe ammólnatá ámi káé, me peseer ar repwe féri ena. (mwb18.03 6) Pesei ngeniir ar repwe iótek me mwen iteiten ar féri ar pwisin káé. Áiti ngeniir ifa usun repwe tétá wóón ach we website me álisiir le néúnéú néúch kewe minen káé mi nóm wóón. Áweweei ngeniir ifa usun repwe álleani me katol met mi kakkatowu wóón ach we website jw.org me JW Broadcasting^®. Áiti ngeniir ar repwe álleani Paipel iteiten rán, ammólnatá ngeni ach kewe mwich, me research wóón ar kewe kapas eis. Álisiir ar repwe ekilonei met ra káé.

KATOL EI VIDEO HELP YOUR BIBLE STUDENTS TO FEED THEMSELVES SPIRITUALLY, MWIRIN PÉLÚWENI EKKEEI KAPAS EIS:

• Ifa usun Neeta a álisi Jade le weweiti pwe esap chék menemenéch ren an silei pélúwen ekkewe kapas eis?

• Met a álisi Jade le lúkú pwe a pwúng án Jiowa allúk usun ewe mettóch tipisin lisowumwáál?

• Met Jade a mirititi usun ewe mettóch ekilon?