Lón uruwoon néún Kot aramas, a fen chómmóng mettóch mi amwarar ra féri, esap pokiten pwisin tufichiir, nge pokiten án Jiowa álillis. Lón ewe ier 1954, án Jiowa we mwicheich a atowu eché video itelapan, The New World Society in Action. Ekkewe chón Bethel mi angang wóón ei video, lap ngeniir ese fókkun wor sileier lón pekin ffér video. A taweló fférún ei angang mi fókkun weires, pokiten chék álillisin án Jiowa we ngún mi fel. Ei mettóch, a alúkúlúkú ngenikich pwe sia tongeni sópwéch lón ese lifilifil angang sia kewis ngeni ika sipwe lúkúlúk wóón Jiowa.​—Sek 4:6.

KATOL EI VIDEO PRODUCING “THE NEW WORLD SOCIETY IN ACTION,” MWIRIN PÉLÚWENI EKKEEI KAPAS EIS:

• Pwata ra filatá an epwe ffér eché video fán iten ewe ofesilap lón New York?

• Ifa usun ei video a affata pwe Bethel a usun inisin aramas?​—1Ko 12:14-20

• Ikkefa ekkewe weires ra kúna atun ar féri ei video, me ifa usun ra pwákiniir?

• Met ei pwóróus a áiti ngenikich usun án Jiowa we ngún mi fel?