Sia pwáári pwe sia túppwél ngeni Jiowa esap chék ren met sia apasa me féri nge pwal ren met sia ekieki ussun. (Kf 19:14) Ina popun, ewe Paipel a pesekich ach sipwe ekieki ussun mettóch mi let me aúchea, mettóch mi pwúng me liméch, mettóch aramas ra efich me menniniiti. (Fp 4:8) Pwúngún, esap fansoun meinisin sipwe tongeni eppet senikich ekiek mi ngaw. Iwe nge, ach nemenifichi pwisinkich epwe álisikich le otur senikich ekiek mi ngaw me siwili ngeni ekiek mi múrinné. Ach akkamwéchú enletin túppwél lón ach ekiek epwe álisikich le akkamwéchú enletin túppwél lón ach féffér.—Mar 7:​21-23.

Lón eú me eú ekkeei wokisin, makkeetiw ekkewe sókkun ekiek sipwe ttii senikich:

Ro 12:3

Luk 12:15

Mat 5:28

Fp 3:13