Jesus a esilefeili “ewe Pworausen Manau usun Mwün Kot.” (Luk 4:43) A pwal asukula aramas ar repwe iótek fán iten ena Mwú. (Mat 6:9, 10) Fán November, sipwe féri eú angang mi kkóló aúchean le esilefeili pwóróusen ewe Mwúún Kot. (Mat 24:14) Féri óm kókkót pwe kopwe unusen álisatá ei angang. Ekkewe mi auxiliary pioneer ra tongeni filatá le néúni 30 are 50 awa lón ei maram.

Achocho le álleani eú wokisin ngeni ekkewe aramas lón óm territory mi fósun ewe Mwúún Kot. Atun kopwe filatá menni wokisin kopwe álleani ngeni emén, kopwe ekieki usun ewe lamalam a fiti. Ika ewe emén ka kerán chuuri a pwapwaiti, anéúnéú ngeni eú kapiin Ewe Leenien Mas NAMPA 2 2020. Mwirin, mwittir liwiniti me poputá le káé ngeni ewe Paipel me néúnéú eú me lein masouen ach we Pwórun Asukul. A chék mwochomwoch ei fansoun me mwen án ewe Mwúún Kot epwe arosaló ekkewe mwú mi ú ngeni. (Tan 2:44; 1Ko 15:24, 25) Ina popun, amwo sipwe unusen alamota ei fansoun mi suuk ngenikich le pwáraatá ach tuppwél ngeni Jiowa me an we Mwú!