Met sókkun napanap ka mochen kúna seni emén chiechiom? Neman ka aúcheani tuppwél, kirekiréch, me fangafangéch. Meinisin ekkena napanap ra nóm ren Jiowa. (Eks 34:6; Föf 14:17) A aúseling atun ka iótek ngeni. A álisuk ineet atun ka osupwangen an álillis. (Kf 18:19, 35) A omusaaló tipisum kewe. (1Jo 1:9) A ifa me múrinnéén chiechiach na, Jiowa!

Ifa usun kopwe tongeni wiliti emén chiechien Jiowa? Káé usun i seni óm ákkálleani an we Kapas. Isetá ngeni i masouen letipom. (Kf 62:8; 142:2) Pwáraaló pwe ka kan aúcheani minne mi lamot me ren Jiowa, áwewe chék ren Néún we, an we Mwú, me an kewe pwon fán iten mwachkkan. Áiti ngeni ekkewe ekkóch usun i. (Tut 32:3) Ika ka ámááraatá óm ririéch ngeni Jiowa, i epwe chiechiom tori feilfeiló chék.​—Kf 73:25, 26, 28.

KATOL EWE VIDEO YOUTHS​—“TASTE AND SEE THAT JEHOVAH IS GOOD,” MWIRIN PÉLÚWENI EKKEEI KAPAS EIS:

• Ifa usun ka tongeni mmólnetá le fangóló manawom me papatais?

• Ifa usun chón mwichefel ra tongeni álisuk le angang ngeni Jiowa?

• Ifa usun ewe angangen afalafal a apéchékkúla óm riri ngeni Jiowa?

• Met sókkun angang fán iten Jiowa a suuk ngonuk?

• Pwata ka aúcheani Jiowa?