A wor eú wis mi kkóló aúchean a nóm ren Chón Pwáraatá Jiowa. Pokiten sia fen fangóló manawach ngeni ewe Samol mi Lapalap, Jiowa, me sia papatais, sia kan apéchékkúlaló ach riri ngeni. I a pwisin panikicheto ngeni me ren Néún we. (Jo 6:44) A aúseling ngeni ach kewe iótek.​—Kf 34:15.

Ifa usun sipwe túmúnú ach we riri ngeni Kot mi kkóló aúchean? Sipwe ttii senikich ekkewe féffér ese pwúng chón Israel ra féri. Ekiseló chék mwirin ar we féri ewe pwonen etipeeú ngeni Jiowa, ra féri emén ululun kou kolt me ra tipisin fel ngeni ululun. (Eks 32:7, 8; 1Ko 10:7, 11, 14) Sipwe pwisin eisinikich: ‘Met ua kan féri atun ua kúna sóssótun ai lúkú? Féfférúi kewe ra pwári pwe ua aúcheani ai riri ngeni Jiowa?’ Ach enletin tongei Semach we lón láng epwe álisikich le sú seni ekkewe mettóch i a oput.​—Kf 97:10.

KATOL EWE VIDEO GUARD YOUR RELATIONSHIP WITH JEHOVAH (KOL 3:5), MWIRIN PÉLÚWENI EKKEEI KAPAS EIS:

• Met weween tipemmóng?

• Pwata sipwe ttii senikich mochenia me angangen fel ngeni ululun?

• Ifa usun lisowu lúkún pwúpwúlú me fel ngeni ululun ra ririfengen?

• Pwata a fókkun lamot ngeni emén mi wor wisan lón ewe mwichefel an epwe túmúnúéchú minne mi lamot ngeni pwúlúwan?