A lamot ngeni emén mi fiti eú pekin urumwot an epwe kan taisoni an kewe féúicho pwe epwe sipeéch fansoun meinisin. Pwal ina chék usun rech, mi lamot sipwe kan akkanganga ach tufichin álefila lefilen minne mi pwúng me mwáál. (Ip 5:14) Ikaamwo sia kan páe ngeni ach sipwe chék fitaaló met ekkewe ekkóch ra kan eáni kefil, nge mi lamot sipwe pwisin anganga ach tufichin ekiek me féri pwisin ach kefil. Pwata? Emén me emén kich sipwe en me pwisin kúna kapwúngún minne sia eáni kefil.​—Ro 14:12.

Sisap ekieki pwe pokiten a fen fite fite ierin ach papatais, iwe epwele chék múrinné ach kefil sipwe filatá. Ren ach sipwe féri kefil mi múrinné, mi lamot sipwe unusen lúkúlúk wóón Jiowa, an we Kapas, me an we mwicheich.​—Jos 1:7, 8; SF 3:5, 6; Mat 24:45.

KATOL EI VIDEO “MAINTAIN A GOOD CONSCIENCE,” MWIRIN PÉLÚWENI EKKEEI KAPAS EIS:

• Menni kefil a lamot Emma epwe féri?

• Pwata a lamot sipwe túmúnú pwe site uwawu meefiach wóón ewe esin kefil emén me emén epwe pwisin apwúngaló me ren mwelien letipan?

• Menni kapasen emmwen eú pea pwúpwúlú ra áiti ngeni Emma?

• Ia Emma a kúna me ie emmwen mi álilliséch ngeni an we osukosuk?