Sia fókkun pwapwa ren an a wor néúch keei mineféén brochure me puk sipwe néúnéú le káé ngeni aramas ewe Paipel. Sipwe tingorei Jiowa lón iótek an epwe efeiéchú ach achocho le álisi chómmóng aramas ar repwe wiliti néún Jesus chón káé. (Mat 28:18-20; 1Ko 3:6-9) Ifa usun sipwe néúnéú ekkeei mineféén brochure me puk?

Pokiten Eáni Manaw mi Pwapwa Tori Feilfeiló!, a kon apéchékkúla pwóppwóróusfengen lefilen ewe chón káé me ewe mi wisen káé ngeni, iwe, napanapen ach asukula aramas a minefé. Ka tongeni fiti ekkeei kapasen emmwen atun óm ammólnatá minne kopwe káé ngeni emén me atun oua káéfengen. *

• Álleani ewe lesen, me pwóróusfengen wóón pélúwen ekkewe kapas eis

• Álleani ekkewe wokisin mi mak “álleani,” me álisi ewe chón káé an epwe weweiti ifa usun epwe apwénúetá masouer

• Fichi ekkewe video me pwóróusfengen wóór, eisini ekkewe kapas eis mi fen kawor

• Achocho le áwesi eú me eú lesen lón eú fansoun

Lón óm angangen afalafal, kopwe akkomw anéúnéú ewe brochure pwe kopwe silei ika ewe emén mi mochen káé. (Ppii ewe pwóór “ Ifa Usun Anéúnéún ewe Brochure Eáni Manaw mi Pwapwa Tori Feilfeiló! lón Áeúin Chuuri.”) Ika a wes ámi káé ewe brochure me noum we chón káé nge mi chúen mochen sópweló an káé, iwe kopwe anéúnéú ngeni ewe puk me poputá lón lesen 04. Ika ka fen kákkáé ngeni emén lón ewe puk Paipel A Apasa are ewe puk Tongen Kot, ámweta ngeni ewe puk Eáni Manaw mi Pwapwa Tori Feilfeiló! me filatá menni kinikin oupwe poputá me ie.

KATOL EI VIDEO KILISOU REN ÓM ETIWA EI KÁÉÉN PAIPEL, MWIRIN PÉLÚWENI EKKEEI KAPAS EIS:

• Met ekkewe chón káé repwe káé seni ewe mineféén puk?

• Pwata a lamot óm kopwe akkattola ngeni ekkewe mineféén chón káé ei video?

• Ikkefa ekkewe mettóch kopwe pesei ngeni ewe chón káé an epwe achocho ngeni?​—Ppii ewe chart “ Minne ewe Chón Káé Epwe Ekieki me Achocho Ngeni lón Eú me Eú Kinikin”